نئی دہلی 20نومبر(آئی این ایس انڈیا) وزیر اعظم نریندر مودی کے تین مرکزی زرعی قوانین کو منسوخ کرنے کے اعلان کے پس منظر میں، کانگریس کے سینئر لیڈر پی چدمبرم نے ہفتہ کو الزام لگایا کہ بی جے پی حکومت میں صرف کابینہ کی منظوری کے بغیر قوانین بنائے جاتے ہیں اور منسوخ کردیے جاتے ہیں۔پی چدمبرم نے ٹویٹ کیاہے کہ وزیر داخلہ نے بطور سیاست دان اٹھائے گئے ایک قدم کے طور پر وزیر اعظم کے اعلان کی تعریف کی۔ بی جے پی صدر نے کہاہے کہ وزیر اعظم کو کسانوں کی بہت زیادہ فکر ہے۔ وزیر دفاع نے کہا کہ وزیر اعظم نے کسانوں کی فلاح وبہبودکو مدنظررکھتے ہوئے فیصلہ کیاہے۔ انہوں نے سوال کیاہ یکہ گزشتہ 15 مہینوں میں وہ کوالیفائی لیڈراوران کابہترین مشورہ کہاں ہے؟ کیا آپ نے اس بات کا ادراک کیاہے کہ وزیراعظم نے یہ اعلان کابینہ کی میٹنگ کے بغیرکیا؟